2,000 ಸದಸ್ಯರ ಟೆಲಿಗ್ರಾಂ ಗ್ರೂಪ್: ಭಯೋತ್ಪಾದನಾ ಯೋಜನೆ ಆರೋಪದಲ್ಲಿ ಇಬ್ಬರ ಬಂಧನ – ಚಿಕ್ಕಬಳ್ಳಾಪುರ ಪೊಲೀಸರ ಕಾರ್ಯಾಚರಣೆ

 ಪ್ರಕಟಣೆ: ಮಾರ್ಚ್ ೩೦, ೨೦೨೬

ಸ್ಥಳ: ಬೆಂಗಳೂರು

---

ಬೆಂಗಳೂರು ಕೇಂದ್ರ ನಗರ ಪಾಲಿಕೆ (BBMP) ವತಿಯಿಂದ ಸ್ವಚ್ಛ ಸರ್ವೇಕ್ಷಣ 2025-26ರ ಅಂಗವಾಗಿ ನಗರವನ್ನು ಇನ್ನಷ್ಟು ಸ್ವಚ್ಛ ಹಾಗೂ ನೈರ್ಮಲ್ಯಪೂರ್ಣವಾಗಿಸಲು ವಿಶೇಷ ಸ್ವಚ್ಛತಾ ಅಭಿಯಾನವನ್ನು ಕೈಗೊಳ್ಳಲಾಗಿದೆ. ಈ ಅಭಿಯಾನದ ಎರಡನೇ ಹಂತದಲ್ಲಿ ಒಟ್ಟು ೩೮ ಉದ್ಯಾನವನಗಳು ಮತ್ತು ೧೧ ಆಟದ ಮೈದಾನಗಳನ್ನು ಸಮಗ್ರವಾಗಿ ಶುಚಿಗೊಳಿಸಲಾಗಿದೆ ಎಂದು ಪಾಲಿಕೆ ಆಯುಕ್ತರಾದ ರಾಜೇಂದ್ರ ಚೋಳನ್ ತಿಳಿಸಿದ್ದಾರೆ.

ನಗರದ ನಾಗರಿಕರು, ವಯೋವೃದ್ಧರು, ಮಹಿಳೆಯರು ಹಾಗೂ ಮಕ್ಕಳು ವಾಯುವಿಹಾರ, ನಡಿಗೆ ಮತ್ತು ವಿಶ್ರಾಂತಿಗಾಗಿ ಉದ್ಯಾನವನಗಳಿಗೆ ಭೇಟಿ ನೀಡುವ ಹಿನ್ನೆಲೆಯಲ್ಲಿ ಸ್ವಚ್ಛ ಹಾಗೂ ಆರೋಗ್ಯಕರ ವಾತಾವರಣ ನಿರ್ಮಿಸಲು ಈ ಅಭಿಯಾನವನ್ನು ಕೈಗೊಳ್ಳಲಾಗಿದೆ. ಅದೇ ರೀತಿ, ಮಕ್ಕಳು ಮತ್ತು ಕ್ರೀಡಾರ್ಥಿಗಳು ಸುರಕ್ಷಿತವಾಗಿ ಆಟವಾಡಲು ಅನುಕೂಲವಾಗುವಂತೆ ಆಟದ ಮೈದಾನಗಳನ್ನೂ ಸಂಪೂರ್ಣವಾಗಿ ಶುಚಿಗೊಳಿಸಲಾಗಿದೆ.

ಉದ್ಯಾನವನಗಳ ಸ್ವಚ್ಛತಾ ವಿವರ:

ವಾರ್ಡ್/ಪ್ರದೇಶ ಸ್ವಚ್ಛಗೊಳಿಸಿದ ಉದ್ಯಾನವನಗಳ ಸಂಖ್ಯೆ

ಶಾಂತಿನಗರ ೩

ಸಿ.ವಿ. ರಾಮನ್ ನಗರ ೧೪

ಗಾಂಧಿನಗರ ೫

ಚಾಮರಾಜಪೇಟೆ ೫

ಚಿಕ್ಕಪೇಟೆ ೭

ಶಿವಾಜಿನಗರ ೫

ಒಟ್ಟು ೩೮

ಆಟದ ಮೈದಾನಗಳ ಸ್ವಚ್ಛತಾ ವಿವರ:

ವಾರ್ಡ್/ಪ್ರದೇಶ ಸ್ವಚ್ಛಗೊಳಿಸಿದ ಮೈದಾನಗಳ ಸಂಖ್ಯೆ

ಶಾಂತಿನಗರ ೭

ಗಾಂಧಿನಗರ ೧

ಚಾಮರಾಜಪೇಟೆ ೧

ಶಿವಾಜಿನಗರ ೨

ಒಟ್ಟು ೧೧

ಕಾರ್ಯಕ್ರಮದ ಕುರಿತು ಮಾತನಾಡಿದ ಆಯುಕ್ತ ರಾಜೇಂದ್ರ ಚೋಳನ್ ಅವರು, “ಸ್ವಚ್ಛ ಸರ್ವೇಕ್ಷಣ 2025-26ರ ಅಂಗವಾಗಿ ನಗರದ ಸಾರ್ವಜನಿಕ ಸ್ಥಳಗಳನ್ನು ಸ್ವಚ್ಛಗೊಳಿಸುವುದು ನಮ್ಮ ಆದ್ಯತೆಯಾಗಿದೆ. ಉದ್ಯಾನವನಗಳು ಮತ್ತು ಆಟದ ಮೈದಾನಗಳನ್ನು ಶುಚಿಗೊಳಿಸುವ ಮೂಲಕ ನಾಗರಿಕರಿಗೆ ಸುರಕ್ಷಿತ ಮತ್ತು ಆರೋಗ್ಯಕರ ವಾತಾವರಣವನ್ನು ಒದಗಿಸುವ ಗುರಿ ನಮ್ಮದು” ಎಂದು ತಿಳಿಸಿದರು.

ಈ ಸ್ವಚ್ಛತಾ ಅಭಿಯಾನವನ್ನು ಅಭಿವೃದ್ಧಿ ಅಪರ ಆಯುಕ್ತರಾದ ದಲ್ಜಿತ್ ಕುಮಾರ್ ಅವರ ಮೇಲುಸ್ತುವಾರಿಯಲ್ಲಿ, ಡಿಜಿಎಂ ಭೀಮೇಶ್ ನಾಯಕ್, ವಿವಿಧ ವಿಭಾಗಗಳ ಎಜಿಎಂಗಳು, ಪೌರಕಾರ್ಮಿಕರು ಹಾಗೂ ಆಟೋ ಟಿಪ್ಪರ್ ಸಿಬ್ಬಂದಿಗಳು ಭಾಗವಹಿಸಿ ಯಶಸ್ವಿಯಾಗಿ ನಡೆಸಿದರು.

ಸಾರ್ವಜನಿಕರು ಸ್ವಚ್ಛತೆಯಲ್ಲಿ ಸಹಕರಿಸಬೇಕು ಮತ್ತು ತ್ಯಾಜ್ಯ ವಿಲೇವಾರಿಯಲ್ಲಿ ನಿಯಮಗಳನ್ನು ಪಾಲಿಸಬೇ

ಕು ಎಂದು ಪಾಲಿಕೆ ಮನವಿ ಮಾಡಿಕೊಂಡಿದೆ.