▪️ ದೂರುದಾರರು: ಪ್ರದೀಪ್ಕುಮಾರ್ ಎಸ್.ಪಿ. – ವಕೀಲರು ಮತ್ತು ರಾಜ್ಯ ಪ್ರಧಾನ ಕಾರ್ಯದರ್ಶಿ, ಕರ್ನಾಟಕ ಪ್ರದೇಶ ಜನತಾದಳ (ಜಾತ್ಯತೀತ)
▪️ ದೂರಿನ ವಿರುದ್ಧ: ಶ್ರೀ. ಪ್ರದೀಪ್ ಈಶ್ವರ್ – ಶಾಸಕರು, ಚಿಕ್ಕಬಳ್ಳಾಪುರ ವಿಧಾನಸಭಾ ಕ್ಷೇತ್ರ
▪️ ದಿನಾಂಕ: 29-06-2026
▪️ ಘಟನಾ ಸ್ಥಳ: ಕೆಂಪೇಗೌಡ ಜಯಂತಿ ಕಾರ್ಯಕ್ರಮ, ಚಿಕ್ಕಬಳ್ಳಾಪುರ (ದಿನಾಂಕ: 27-06-2026)
▪️ ಪ್ರಮುಖ ಆರೋಪಗಳು: ದುರಹಂಕಾರಿ ವರ್ತನೆ, ಮೀಸೆ ತಿರುಗಿಸುವುದು, ತೊಡೆತಟ್ಟುವುದು, ಅಸಹ್ಯ ಸನ್ನೆಗಳು, ಜನರನ್ನು ಪ್ರಚೋದನೆ, "ನಾನು ಓಬಿಸಿ ಶಾಸಕ" ಎಂದು ಹೇಳಿಕೆ ನೀಡಿ ಜಾತಿ ದ್ವೇಷ ಬಿತ್ತುವ ಪ್ರಯತ್ನ
▪️ ದೂರು ಸ್ವೀಕರಿಸಿದವರು: ಅಪರ ಪೊಲೀಸ್ ಅಧೀಕ್ಷಕರಾದ ಶ್ರೀ ಜಗನ್ನಾಥ ರೈ – ಚಿಕ್ಕಬಳ್ಳಾಪುರ ಜಿಲ್ಲೆ
ಬೆಂಗಳೂರು / ಚಿಕ್ಕಬಳ್ಳಾಪುರ: ಕರ್ನಾಟಕ ಪ್ರದೇಶ ಜನತಾದಳ (ಜಾತ್ಯತೀತ) ಪಕ್ಷದ ಪ್ರಧಾನ ಕಾರ್ಯದರ್ಶಿ ಮತ್ತು ವಕೀಲರಾದ ಪ್ರದೀಪ್ಕುಮಾರ್ ಎಸ್.ಪಿ. ಅವರು ಚಿಕ್ಕಬಳ್ಳಾಪುರ ವಿಧಾನಸಭಾ ಕ್ಷೇತ್ರದ ಶಾಸಕ ಪ್ರದೀಪ್ ಈಶ್ವರ್ ವಿರುದ್ಧ ಚಿಕ್ಕಬಳ್ಳಾಪುರ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಿಗೆ ದೂರು ಸಲ್ಲಿಸಿದ್ದಾರೆ.
ದೂರಿನಲ್ಲಿ, ದಿನಾಂಕ: 27-06-2026 ರಂದು ಚಿಕ್ಕಬಳ್ಳಾಪುರ ಜಿಲ್ಲಾ ಆಡಳಿತ ಮಂಡಳಿ ಆಯೋಜಿಸಿದ್ದ ಕೆಂಪೇಗೌಡ ಜಯಂತಿ ಕಾರ್ಯಕ್ರಮದಲ್ಲಿ ಶಾಸಕ ಪ್ರದೀಪ್ ಈಶ್ವರ್ ಅವರು ಅಸಭ್ಯ ಮತ್ತು ಅಸಹ್ಯ ವರ್ತನೆ ತೋರಿದ್ದಾರೆ ಎಂದು ಆರೋಪಿಸಲಾಗಿದೆ.
ಕೆಲವು ವ್ಯಕ್ತಿಗಳು ಶಾಸಕರನ್ನು ಕುರಿತು ಮಾಜಿ ಮುಖ್ಯಮಂತ್ರಿಗಳಾದ ಹೆಚ್.ಡಿ. ಕುಮಾರಸ್ವಾಮಿ ರವರ ಬಗ್ಗೆ ಲಘುವಾಗಿ ಪ್ರಶ್ನಿಸಿದಾಗ, ಶಾಸಕರಾಗಿ ಉತ್ತರಿಸಬೇಕಾದ ಪ್ರದೀಪ್ ಈಶ್ವರ್ ಅವರು ಕಾಫಿ ಕುಡಿಯುತ್ತಾ, ತೋಳು ಮೇಲೆತ್ತಿ ದುರ್ವತ್ರನೆ ತೋರಿ, ದುರಹಂಕಾರದಿಂದ ವರ್ತಿಸಿದ್ದಾರೆ ಮತ್ತು ಜನರನ್ನು ಕೆರಳಿಸಿದ್ದಾರೆ ಎಂದು ದೂರಿನಲ್ಲಿ ಹೇಳಲಾಗಿದೆ.
"ಶಾಸಕರಾಗಿ ಉತ್ತರಿಸಬೇಕಾದ ಪ್ರದೀಪ್ ಈಶ್ವರ್ ರವರು ಕಾಫಿ ಕುಡಿಯುತ್ತಾ, ತೋಳು ಮೇಲೆತ್ತಿ ದುರ್ವತ್ರನೆ ತೋರಿ ದುರಹಂಕಾರದಿಂದ ವರ್ತಿಸಿ ಜನರನ್ನು ಕೆರಳಿಸಿದ್ದಾರೆ.
ಕಾರ್ಯಕ್ರಮದಿಂದ ಹೊರ ನಡೆದು ಹೊರ ಬಂದ ನಂತರ ಕಾರಿನ ರೂಪ್ ಓಪನ್ ಮಾಡಿ ಶರ್ಟಿನ ಗುಂಡಿಯನ್ನು ತೆಗೆದು, ಕೈಗಳನ್ನು ತಿರುವಿಸಿ, ಮೀಸೆಯನ್ನು ತಿರುವಿಸುತ್ತಾ ಜನರನ್ನು ಕುಸ್ತಿಗೆ ಆಹ್ವಾನಿಸುವಂತೆ ಪ್ರಚೋದನೆ ಮಾಡಿದ್ದಾರೆ.
ಮುಂದುವರೆದು ಮಾಧ್ಯಮಗಳ ಮುಂದೆ ತನ್ನ ತಲೆಯ ಕೂದಲುಗಳನ್ನು ಕಿತ್ತು 'ನನ್ನನ್ನು ಏನು ಮಾಡಿಕೊಳ್ಳಲು ಸಾಧ್ಯವಿಲ್ಲ' ಎಂದು ಖಬರ್ದಾರ್ ದುರುದ್ದೇಶ ಪೂರ್ವಕವಾಗಿ ಹೇಳಿಕೆ ನೀಡಿದ್ದಾರೆ.
ಜವಾಬ್ದಾರಿಯುತ ಶಾಸಕರು "ನಾನು ಒಬ್ಬ ಓಬಿಸಿ ಶಾಸಕ" ಎಂದು ಜಾತಿಯ ವಿಷಯವನ್ನು ಅನವಶ್ಯಕವಾಗಿ ಎಳೆದುತಂದು ಜಾತಿ ಜಾತಿಗಳ ನಡುವೆ ವೈಷಮ್ಯ ಮೂಡುವಂತೆ ಮಾಡಿದ್ದಾರೆ."
– ಪ್ರದೀಪ್ಕುಮಾರ್ ಎಸ್.ಪಿ., ವಕೀಲರು ಮತ್ತು ರಾಜ್ಯ ಪ್ರಧಾನ ಕಾರ್ಯದರ್ಶಿ, ಕರ್ನಾಟಕ ಪ್ರದೇಶ ಜನತಾದಳ (ಜಾತ್ಯತೀತ)
1. ದುರಹಂಕಾರಿ ವರ್ತನೆ: ಶಾಸಕರು ಕಾಫಿ ಕುಡಿಯುತ್ತಾ, ತೋಳು ಮೇಲೆತ್ತಿ ದುರ್ವತ್ರನೆ ತೋರಿ ಜನರನ್ನು ಕೆರಳಿಸಿದ್ದಾರೆ.
2. ಪ್ರಚೋದನಕಾರಿ ಸನ್ನೆಗಳು: ಕಾರ್ಯಕ್ರಮದಿಂದ ಹೊರಬಂದ ನಂತರ ಕಾರಿನ ರೂಪ್ ಓಪನ್ ಮಾಡಿ, ಶರ್ಟಿನ ಗುಂಡಿ ತೆಗೆದು, ಕೈಗಳನ್ನು ತಿರುವಿಸಿ, ಮೀಸೆಯನ್ನು ತಿರುವಿಸುತ್ತಾ ಜನರನ್ನು ಕುಸ್ತಿಗೆ ಆಹ್ವಾನಿಸುವಂತೆ ಪ್ರಚೋದನೆ.
3. ಮಾಧ್ಯಮಗಳ ಮುಂದೆ ಹೇಳಿಕೆ: "ನನ್ನನ್ನು ಏನು ಮಾಡಿಕೊಳ್ಳಲು ಸಾಧ್ಯವಿಲ್ಲ" ಎಂದು ತಲೆಯ ಕೂದಲುಗಳನ್ನು ಕಿತ್ತು ದುರುದ್ದೇಶಪೂರ್ವಕ ಹೇಳಿಕೆ.
4. ಜಾತಿ ದ್ವೇಷ ಬಿತ್ತುವ ಪ್ರಯತ್ನ: "ನಾನು ಓಬಿಸಿ ಶಾಸಕ" ಎಂದು ಹೇಳಿಕೆ ನೀಡಿ ಜಾತಿ ಜಾತಿಗಳ ನಡುವೆ ವೈಷಮ್ಯ ಮೂಡುವಂತೆ ಪ್ರಯತ್ನ.
5. ಪೂರ್ವ ನಿಯೋಜಿತ ಸಂಚು: ಕೇಂದ್ರದ ಹಾಲಿ ಬೃಹತ್ ಕೈಗಾರಿಕಾ ಸಚಿವರಾದ ಹೆಚ್.ಡಿ. ಕುಮಾರಸ್ವಾಮಿ ರವರ ಬಗ್ಗೆ ಅತ್ಯಂತ ಕೀಳುಮಟ್ಟದಲ್ಲಿ, ಏಕವಚನದಲ್ಲಿ ಪದ ಪ್ರಯೋಗ ಮಾಡಿ ಸಮಾಜವನ್ನು ಹೊಡೆಯುವ ಕೆಲಸ.
ದೂರಿನಲ್ಲಿ ಮತ್ತಷ್ಟು ಹೇಳಲಾಗಿದೆ, "ಸಂವಿಧಾನದ ಅಡಿಯಲ್ಲಿ ಗೌಪ್ಯತೆ, ಪ್ರಮಾಣ ವಚನ ಸ್ವೀಕರಿಸಿರುವ ಶಾಸಕರು ಜಾತಿ ವಿಷಯವನ್ನು ದುರುದ್ದೇಶ ಮತ್ತು ಕಾನೂನು ವಿರುದ್ಧವಾಗಿ ಹೇಳಿಕೆ ನೀಡಿರುತ್ತಾರೆ. ಇದೊಂದು ಪೂರ್ವ ನಿಯೋಜಿತ ಸಂಚು ಆಗಿದ್ದು, ಕೇಂದ್ರದ ಹಾಲಿ ಬೃಹತ್ ಕೈಗಾರಿಕಾ ಸಚಿವರಾದ ಹೆಚ್.ಡಿ. ಕುಮಾರಸ್ವಾಮಿ ರವರ ಬಗ್ಗೆ ಅತ್ಯಂತ ಕೀಳು ಮಟ್ಟದಲ್ಲಿ, ಏಕ ವಚನದಲ್ಲಿ ಪದ ಪ್ರಯೋಗ, ಪ್ರಚೋದನೆ ಮಾಡಿ ಸಮಾಜ ಹೊಡೆಯುವ ಕೆಲಸವನ್ನು ಮಾಡಿರುತ್ತಾರೆ" ಎಂದು ಆರೋಪಿಸಲಾಗಿದೆ.
ಈ ದೂರನ್ನು ಅಪರ ಪೊಲೀಸ್ ಅಧೀಕ್ಷಕರಾದ ಶ್ರೀ ಜಗನ್ನಾಥ ರೈ ಅವರಿಗೆ ಹಸ್ತಾಂತರಿಸಲಾಗಿದೆ. ದೂರನ್ನು ಸ್ವೀಕರಿಸಿದ ಎಎಸ್ಪಿ ಜಗನ್ನಾಥ ರೈ ಅವರು ಸೂಕ್ತ ಕಾನೂನು ಕ್ರಮ ಕೈಗೊಳ್ಳುವ ಭರವಸೆ ನೀಡಿದ್ದಾರೆಂದು ತಿಳಿದುಬಂದಿದೆ.
#PradeepEshwar #JDS #Complaint #ASPJagganathRai #Chikkaballapur #KempegowdaJayanthi #KannadaNews – ಈ ಪ್ರಕರಣವು ರಾಜ್ಯದ ರಾಜಕೀಯ ಬೆಳವಣಿಗೆಗಳಲ್ಲಿ ಮಹತ್ವದ ತಿರುವಾಗಿದೆ.
*ಕಾನೂನು ತನ್ನ ಗತಿಯಲ್ಲಿ ಸಾಗಲಿ – ದೂರಿನ ಬಗ್ಗೆ ಪೊಲೀಸ್ ಇಲಾಖೆಯಿಂದ ಸೂಕ್ತ ಕ್ರಮ ನಿರೀಕ್ಷಿಸಲಾಗಿದೆ.*
Post a Comment