▪️ ಆರೋಪಿಗಳ ಸಂಖ್ಯೆ: 6 ಮಂದಿ
▪️ ಪತ್ತೆಯಾದ ಪ್ರಕರಣಗಳು: 22 ದೇವಸ್ಥಾನ ಕಳ್ಳತನ + 1 ಶಾಲೆ ಕಳ್ಳತನ
▪️ ವಶಪಡಿಸಿಕೊಂಡ ಆಸ್ತಿ: 86 ಗ್ರಾಂ ಚಿನ್ನದ ಒಡವೆಗಳು, 25 ಚಿನ್ನದ ತಾಳಿಗಳು, ಬೆಳ್ಳಿ ಒಡವೆಗಳು, 3 ಬೈಕ್ಗಳು, 1 ಆಟೋ, 2 ಗ್ಯಾಸ್ ಸಿಲಿಂಡರ್ಗಳು, ಹುಂಡಿ ಹಣ
▪️ ಒಟ್ಟು ಮೌಲ್ಯ: ₹14,19,000 (ಹದಿನಾಲ್ಕು ಲಕ್ಷದ ಹತ್ತೊಂಬತ್ತು ಸಾವಿರ ರೂಪಾಯಿಗಳು)
▪️ ಪ್ರಕರಣ ಸಂಖ್ಯೆ: ತುರುವೇಕೆರೆ ಪೊಲೀಸ್ ಠಾಣೆಯಲ್ಲಿ ಠಾಣಾ ಮೊ.ನಂ-190/2026, ಕಲಂ-310(4), 310(5) BNS ರೀತ್ಯಾ ಪ್ರಕರಣ ದಾಖಲು
▪️ ಘಟನಾ ಸ್ಥಳ: ಜೋಡುಗಟ್ಟೆ ಗ್ರಾಮ ಬಳಿಯ ಬಸ್ ನಿಲ್ದಾಣ, ತುರುವೇಕೆರೆ ತಾಲ್ಲೂಕು
ತುಮಕೂರು: ತುಮಕೂರು ಜಿಲ್ಲಾ ಪೊಲೀಸ್ ಇಲಾಖೆಯು ಅಂತರ್ ಜಿಲ್ಲಾ ಕುಖ್ಯಾತ ಕಳ್ಳರ ವಿರುದ್ಧ ಭರ್ಜರಿ ಕಾರ್ಯಾಚರಣೆ ನಡೆಸಿ 6 ಮಂದಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದೆ. 22 ದೇವಸ್ಥಾನ ಕಳ್ಳತನ ಪ್ರಕರಣಗಳು ಮತ್ತು 1 ಶಾಲೆ ಕಳ್ಳತನ ಪ್ರಕರಣ ಪತ್ತೆಯಾಗಿದೆ.
ತುರುವೇಕೆರೆ ತಾಲ್ಲೂಕು, ಮಾಯಸಂದ್ರ ಹೋಬಳಿ, ಜೋಡುಗಟ್ಟೆ ಗ್ರಾಮದ ಬಳಿಯ ಬಸ್ ನಿಲ್ದಾಣದ ಮಣ್ಣಿನ ರಸ್ತೆಯ ಬಳಿ ದಿ:19-06-26 ರಂದು ರಾತ್ರಿ 8.45 ಗಂಟೆಯ ಸುಮಾರಿನಲ್ಲಿ 5-6 ಜನರು ಗುಂಪುಕಟ್ಟಿಕೊಂಡು ಬೈಕ್ಗಳನ್ನು ನಿಲ್ಲಿಸಿಕೊಂಡು ರಸ್ತೆಯಲ್ಲಿ ಹೋಗಿ ಬರುವ ವಾಹನಗಳನ್ನು ತಡೆದು ದರೋಡೆ ಮಾಡಲು ಖಾರದಪುಡಿ, ಕಬ್ಬಿಣದ ಚಾಕು, ಕಬ್ಬಿಣದ ಲಾಂಗು ಉಪಕರಣಗಳನ್ನು ಇಟ್ಟುಕೊಂಡು ಸಿದ್ಧತೆ ಮಾಡಿಕೊಂಡವರನ್ನು ಹಿಡಿದು ವಶಕ್ಕೆ ಪಡೆಯಲಾಗಿದೆ.
1. ಲಯನ್ @ ಎ.ಟಿ.ಎಂ @ ಕುಳ್ಳ ಬಿನ್ ನಾಗರಾಜೇಗೌಡ, 29 ವರ್ಷ, ಹಿರಿಸ್ಯಾವೆ, ಚೆನ್ನರಾಯಪಟ್ಟಣ ತಾಲ್ಲೂಕು, ಹಾಸನ ಜಿಲ್ಲೆ.
2. ಮಂಜುನಾಥ್ @ ಮಾಗಡಿ ಮಂಜ ಬಿನ್ ಮಣಿ, 28 ವರ್ಷ, ಜೋಗಿಪಾಳ್ಯ, ಮಾಗಡಿ ತಾಲ್ಲೂಕು, ರಾಮನಗರ ಜಿಲ್ಲೆ.
3. ಚಂದನ ಬಿನ್ ಶಿವಶಂಕರ್, 19 ವರ್ಷ, ಗೊಂಡೇನಹಳ್ಳಿ, ಬಿಂಡಿಗನವಿಲೆ ಹೋಬಳಿ, ನಾಗಮಂಗಲ ತಾಲ್ಲೂಕು, ಮಂಡ್ಯ ಜಿಲ್ಲೆ.
4. ಮಧುಸೂಧನ @ ಮಧು ಬಿನ್ ಲೇಟ್ ವೆಂಕಟರಮಗಪ್ಪ, 24 ವರ್ಷ, ಹಿರಿಸ್ಯಾವೆ, ಚೆನ್ನರಾಯಪಟ್ಟಣ ತಾಲ್ಲೂಕು, ಹಾಸನ ಜಿಲ್ಲೆ.
5. ಬಾಬು @ ಗುರು ಬಿನ್ ರಾಮಕೃಷ್ಣ, 22 ವರ್ಷ, ಮಹಾಲಕ್ಷ್ಮೀ ಲೇಔಟ್, ಬಿಂಡಿಗನವಿಲೆ ಹೋಬಳಿ, ನಾಗಮಂಗಲ ತಾಲ್ಲೂಕು, ಮಂಡ್ಯ ಜಿಲ್ಲೆ.
6. ನರಸಿಂಹಮೂರ್ತಿ @ ಕರಿಯಾ ಬಿನ್ ಚೆನ್ನಯ್ಯ, 32 ವರ್ಷ, ಗೊಂಡೇನಹಳ್ಳಿ, ಬಿಂಡಿಗನವಿಲೆ ಹೋಬಳಿ, ನಾಗಮಂಗಲ ತಾಲ್ಲೂಕು, ಮಂಡ್ಯ ಜಿಲ್ಲೆ.
ತುರುವೇಕೆರೆ ಠಾಣೆ – 08, ದಂಡಿನಶಿವರ – 01, ಕುಣಿಗಲ್ – 01, ಅಮೃತೂರು – 01, ಮಿಡಿಗೇಶಿ – 02, ತಿಪಟೂರು ಗ್ರಾಮಾಂತರ – 02, ಕೊಡಗೇನಹಳ್ಳಿ – 01, ಚಿಕ್ಕನಾಯಕನಹಳ್ಳಿ – 01, ಕೆ.ಬಿ ಕ್ರಾಸ್ – 01, ಶಿರಾ – 01, ಸಿ.ಎಸ್.ಪುರ – 01, ಕೂದುರು – 01, ಬಿಂಡಿಗನವಿಲೆ – 01 – ಒಟ್ಟು 22 ದೇವಸ್ಥಾನ ಕಳ್ಳತನ ಪ್ರಕರಣಗಳು ಮತ್ತು ಬೆನಕೆನಕೆರೆ ಗ್ರಾಮದ ವಿದ್ಯಾರಣ್ಯ ಪ್ರೌಢಶಾಲೆಯ ಕಳ್ಳತನ ಪ್ರಕರಣ ಪತ್ತೆಯಾಗಿದೆ.
ಆರೋಪಿಗಳಿಂದ 86 ಗ್ರಾಂ ತೂಕದ 25 ಚಿನ್ನದ ತಾಳಿಗಳು ಮತ್ತು ಇತರೆ ಚಿನ್ನದ ಒಡವೆಗಳು, 03 ಬೈಕ್ಗಳು, 01 ಆಟೋ, 02 ಗ್ಯಾಸ್ ಸಿಲಿಂಡರ್ಗಳು ವಶಕ್ಕೆ ಪಡೆಯಲಾಗಿದೆ. ಇವುಗಳ ಒಟ್ಟು ಮೌಲ್ಯ ₹14,19,000 (ಹದಿನಾಲ್ಕು ಲಕ್ಷದ ಹತ್ತೊಂಬತ್ತು ಸಾವಿರ ರೂಪಾಯಿಗಳು) ಆಗಿರುತ್ತವೆ.
ಸದರಿ ಪ್ರಕರಣದಲ್ಲಿ ಆರೋಪಿಗಳನ್ನು ಪತ್ತೆ ಮಾಡುವಲ್ಲಿ ಶ್ರಮಿಸಿದ ತನಿಖಾ ತಂಡವನ್ನು ತುಮಕೂರು ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ ಕೆ.ವಿ. ಅಶೋಕ್ ಐ.ಪಿ.ಎಸ್. ರವರು ಹಾಗೂ ಕೇಂದ್ರ ವಲಯದ ಡಿ.ಐ.ಜಿ.ಪಿ ರವರಾದ ಎಸ್. ಗಿರೀಶ್ ಐ.ಪಿ.ಎಸ್. ರವರು ಪ್ರಶಂಸಿಸಿರುತ್ತಾರೆ.
ಈ ಕಾರ್ಯಾಚರಣೆಯಲ್ಲಿ ಕುಣಿಗಲ್ ಉಪವಿಭಾಗ ಪೊಲೀಸ್ ಉಪಾಧೀಕ್ಷಕರಾದ ಓಂ ಪ್ರಕಾಶ್ ಅವರ ಮಾರ್ಗಸೂಚನೆ ಮೇರೆಗೆ ತುರುವೇಕೆರೆ ವೃತ್ತದ ಸಿಪಿಐ ಲೋಹಿತ್ ಬಿ.ಎನ್, ಪಿಎಸ್ಐ ಮೂರ್ತಿ.ಟಿ (ತುರುವೇಕೆರೆ ಠಾಣೆ), ಪಿಎಸ್ಐ ಮೂರ್ತಿ ಕೆ.ವಿ (ದಂಡಿನಶಿವರ ಠಾಣೆ), ಎ.ಎಸ್.ಐ ನಯಾಜ್ ಅಹಮದ್ ಸೇರಿದಂತೆ ಸಿಬ್ಬಂದಿಗಳು ಕಾರ್ಯನಿರ್ವಹಿಸಿದ್ದಾರೆ.
#TumakuruPolice #TempleTheft #InterStateGang #CrimeBust #AshokKV #KannadaNews – ತುಮಕೂರು ಪೊಲೀಸರ ಈ ಯಶಸ್ವಿ ಕಾರ್ಯಾಚರಣೆಯು ಅಂತರ್ ಜಿಲ್ಲಾ ಕಳ್ಳತನ ಪ್ರಕರಣಗಳಿಗೆ ಕಡಿವಾಣವಾಗಿದೆ.
*ದೇವಸ್ಥಾನಗಳ ಸುರಕ್ಷತೆಗೆ ಪೊಲೀಸರ ಕಾರ್ಯಾಚರಣೆ ಮುಂದುವರಿಯಲಿದೆ.*
Post a Comment