ಚಿಕ್ಕಬಳ್ಳಾಪುರ/ನವದೆಹಲಿ: ಬಿಹಾರದಿಂದ ರಾಜಸಭೆಗೆ ಆಯ್ಕೆಯಾದ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ Nitin Nabin ಅವರಿಗೆ ಸಂಸದ Dr. K. Sudhakar ಅಭಿನಂದನೆ ಸಲ್ಲಿಸಿದ್ದಾರೆ.
ತಮ್ಮ ಸಾಮಾಜಿಕ ಜಾಲತಾಣದ ಪೋಸ್ಟ್ನಲ್ಲಿ ಡಾ. ಸುಧಾಕರ್, ಸಾಮಾನ್ಯ ಕಾರ್ಯಕರ್ತನಾಗಿ ಆರಂಭಿಸಿ ರಾಷ್ಟ್ರೀಯ ಮಟ್ಟದಲ್ಲಿ ಪಕ್ಷವನ್ನು ಮುನ್ನಡೆಸುವ ಮಟ್ಟಕ್ಕೆ ಬೆಳೆದ ನಿತಿನ್ ನಬೀನ್ ಅವರ ಪಯಣವು ಪ್ರೇರಣಾದಾಯಕವಾಗಿದೆ ಎಂದು ತಿಳಿಸಿದ್ದಾರೆ. ಅವರ ಸಮರ್ಪಣೆ, ಸಂಘಟನೆ ಸಾಮರ್ಥ್ಯ ಮತ್ತು ಕಾರ್ಯಕರ್ತರೊಂದಿಗೆ ಹೊಂದಿರುವ ನಿಕಟ ಸಂಪರ್ಕವೇ ಈ ಸಾಧನೆಗೆ ಕಾರಣವೆಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ರಾಜಸಭೆಯಲ್ಲಿ ನಿತಿನ್ ನವೀನ್ ಅವರು ಪರಿಣಾಮಕಾರಿ ಮತ್ತು ಫಲಪ್ರದ ಅವಧಿಯನ್ನು ಹೊಂದಲಿ ಎಂದು ಹಾರೈಸಿದ ಸುಧಾಕರ್, ದೇಶ ಸೇವೆ ಮತ್ತು ಪಕ್ಷದ ಬಲವರ್ಧನೆಗೆ ಅವರು ಮುಂದುವರೆಯಲಿ ಎಂದು ಆಶಿಸಿದರು.
ಇದೇ ವೇಳೆ, ರಾಷ್ಟ್ರೀಯ ಜನತಾಂತ್ರಿಕ ಒಕ್ಕೂಟ (NDA) ಪರವಾಗಿ ರಾಜಸಭೆಗೆ ಆಯ್ಕೆಯಾದ ಇತರೆ ಸದಸ್ಯರಿಗೂ ಶುಭಾಶಯಗಳನ್ನು ತಿಳಿಸಿದ್ದಾರೆ. ಈ ಆಯ್ಕೆಗಳು ಸಂಸತ್ತಿನ ಮೇಲ್ಸಭೆಯಲ್ಲಿ ಎನ್ಡಿಎ ಬಲವನ್ನು ಮತ್ತಷ್ಟು ಹೆಚ್ಚಿಸಲಿವೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.
Post a Comment