▪️ ದಿನಾಂಕಗಳು: ಜುಲೈ 19, 2026 (ಭಾನುವಾರ) ಮತ್ತು ಜುಲೈ 26, 2026 (ಭಾನುವಾರ)
▪️ ಸಮಯ: ಬೆಳಿಗ್ಗೆ 9:00 ರಿಂದ ಸಂಜೆ 5:30
▪️ ವಿಧಾನಸಭಾ ಕ್ಷೇತ್ರಗಳು: 215-ಚಾಮುಂಡೇಶ್ವರಿ, 216-ಕೃಷ್ಣರಾಜ, 217-ಚಾಮರಾಜ, 218-ನರಸಿಂಹರಾಜ
▪️ ಸೌಲಭ್ಯ: ಮತಗಟ್ಟೆ ಮಟ್ಟದ ಅಧಿಕಾರಿಗಳು (ಬಿಎಲ್ಒ) ಲಭ್ಯ
▪️ ಮಾಹಿತಿಗೆ ವೆಬ್ಸೈಟ್: https://electoralsearch.eci.gov.in/
ಮೈಸೂರು: ಮೈಸೂರು ಜಿಲ್ಲೆಯಲ್ಲಿ ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ ಪ್ರಕ್ರಿಯೆಯು ಚಾಲ್ತಿಯಲ್ಲಿದೆ. ಈ ಪ್ರಕ್ರಿಯೆಯಲ್ಲಿ ಹೆಚ್ಚಿನ ಪ್ರಗತಿ ಸಾಧಿಸಲು ಜಿಲ್ಲಾಡಳಿತವು ಮೈಸೂರು ಮಹಾನಗರ ಪಾಲಿಕೆಯ 216-ಕೃಷ್ಣರಾಜ, 217-ಚಾಮರಾಜ, 218-ನರಸಿಂಹರಾಜ ವಿಧಾನಸಭಾ ಕ್ಷೇತ್ರಗಳಲ್ಲಿ ಹಾಗೂ 215-ಚಾಮುಂಡೇಶ್ವರಿ ವಿಧಾನಸಭಾ ಕ್ಷೇತ್ರಗಳಲ್ಲಿ ವಿಶೇಷ ಕಾರ್ಯಕ್ರಮವನ್ನು ಹಮ್ಮಿಕೊಂಡಿದೆ.
ಇದೇ ಜುಲೈ 19 ಭಾನುವಾರ ಹಾಗೂ ಜುಲೈ 26 ಭಾನುವಾರಗಳಂದು ಈ ನಾಲ್ಕು ವಿಧಾನಸಭಾ ಕ್ಷೇತ್ರಗಳ ಎಲ್ಲಾ ಮತಗಟ್ಟೆಗಳಲ್ಲಿ ಆಯಾ ಮತಗಟ್ಟೆ ಮಟ್ಟದ ಅಧಿಕಾರಿಗಳು (ಬಿ.ಎಲ್.ಒ ಗಳು) ಬೆಳಿಗ್ಗೆ 9:00 ಗಂಟೆಯಿಂದ ಸಂಜೆ 5:30 ಗಂಟೆಯವರೆಗೆ ಲಭ್ಯವಿರಲು ಸೂಚನೆ ನೀಡಲಾಗಿದೆ.
"ಆಯಾ ವಿಧಾನಸಭಾ ಕ್ಷೇತ್ರದ ಎಲ್ಲಾ ಮತದಾರರು ತಮ್ಮ ಆಯಾ ಮತಗಟ್ಟೆಗಳಲ್ಲಿ ಈಗಾಗಲೇ ನೀಡಿರುವ ಮತದಾರರ ಗಣಿಕೆ ನಮೂನೆ (ಎನ್ಯುಮುರೇಷನ್ ಫಾರಂ) ಗಳಲ್ಲಿ ಅಗತ್ಯ ವಿವರಗಳನ್ನು ತುಂಬಿ ಹಿಂದುರುಗಿಸಬಹುದಾಗಿದೆ ಹಾಗೂ ಅವಶ್ಯವಿರುವ ಮಾಹಿತಿಯನ್ನು ಪಡೆದು ಈ ಮತದಾರರ ಪಟ್ಟಿಯ ಸಮಗ್ರ ಪರಿಷ್ಕರಣೆಯಲ್ಲಿ ಭಾಗಿಯಾಗಿ ಸದುಪಯೋಗಪಡಿಸಿಕೊಳ್ಳಲು ಈ ಮೂಲಕ ತಿಳಿಯಪಡಿಸಲಾಗಿದೆ."
ಮತದಾರರು ತಮ್ಮ ಮತಗಟ್ಟೆಯ ಮಾಹಿತಿಯನ್ನು ಹಾಗೂ ಬಿ.ಎಲ್.ಒ ರವರ ಮಾಹಿತಿಯನ್ನು ಸಂಬಂಧಪಟ್ಟ ಮತದಾರರ ನೋಂದಣಾಧಿಕಾರಿಗಳ ಕಚೇರಿಯಲ್ಲಿ, ಸಹಾಯಕ ಮತದಾರರ ನೋಂದಣಾಧಿಕಾರಿಗಳ ಕಚೇರಿಯಲ್ಲಿ ಹಾಗೂ ಮಾನ್ಯ ಭಾರತ ಚುನಾವಣಾ ಆಯೋಗದ ಅಧಿಕೃತ ಜಾಲತಾಣ https://electoralsearch.eci.gov.in/ ನಲ್ಲಿ ಮಾಹಿತಿ ಪಡೆದುಕೊಳ್ಳಬಹುದಾಗಿರುತ್ತದೆ.
▪️ ಜುಲೈ 19 ಮತ್ತು 26ರಂದು ನಿಮ್ಮ ಮತಗಟ್ಟೆಗೆ ಭೇಟಿ ನೀಡಿ
▪️ ಗಣಿಕೆ ನಮೂನೆಯನ್ನು ಸರಿಯಾಗಿ ತುಂಬಿ ಹಿಂತಿರುಗಿಸಿ
▪️ ನಿಮ್ಮ ಹೆಸರು ಮತದಾರರ ಪಟ್ಟಿಯಲ್ಲಿದೆಯೇ ಎಂದು ಪರಿಶೀಲಿಸಿ
▪️ ಹೊಸ ಮತದಾರರಾಗಿ ನೋಂದಣಿಗೆ ಅವಕಾಶವನ್ನು ಸದುಪಯೋಗಪಡಿಸಿಕೊಳ್ಳಿ
ಈ ಪರಿಷ್ಕರಣೆಯು ಮುಂಬರುವ ಚುನಾವಣೆಗಳಿಗೆ ನಿಖರವಾದ ಮತದಾರರ ಪಟ್ಟಿಯನ್ನು ಸಿದ್ಧಪಡಿಸುವ ನಿಟ್ಟಿನಲ್ಲಿ ಮಹತ್ವದ ಹೆಜ್ಜೆಯಾಗಿದೆ. ಎಲ್ಲಾ ಮತದಾರರು ಈ ಕಾರ್ಯದಲ್ಲಿ ಸಹಕರಿಸಿ ತಮ್ಮ ಮತದಾನದ ಹಕ್ಕನ್ನು ಚಲಾಯಿಸಲು ಅನುಕೂಲವಾಗುವಂತೆ ನೋಂದಣಿಯನ್ನು ಖಾತ್ರಿಪಡಿಸಿಕೊಳ್ಳಬೇಕು. 💐💐💐
"ನಿಮ್ಮ ಮತ ನಿಮ್ಮ ಹಕ್ಕು – ಮತದಾರರ ಪಟ್ಟಿಯಲ್ಲಿ ನೋಂದಣಿಯನ್ನು ಖಾತ್ರಿಪಡಿಸಿಕೊಳ್ಳಿ"
ಜಿಲ್ಲಾಧಿಕಾರಿಗಳ ಕಾರ್ಯಾಲಯ
ಮೈಸೂರು ಜಿಲ್ಲೆ
*ಮತದಾರರ ಪಟ್ಟಿಯ ಸಮಗ್ರ ಪರಿಷ್ಕರಣೆಯಲ್ಲಿ ಎಲ್ಲಾ ಮತದಾರರು ಸಹಕರಿಸಬೇಕಾಗಿ ಮನವಿ.*
Post a Comment