▪️ ಘಟನಾ ದಿನಾಂಕ: 16-07-2026
▪️ ಬಂಧಿತ ಆರೋಪಿಗಳು: ಚೆಲ್ಲ ಸೋಮಶಂಕರ್ (22) – ಆಂಧ್ರಪ್ರದೇಶ; ವಿನೋದ್ ಕುಮಾರ್ (23) – ಗೌರಿಬಿದನೂರು
▪️ ವಶಪಡಿಸಿದ ವಾಹನಗಳು: 10 ದ್ವಿಚಕ್ರ ವಾಹನಗಳು – ಸುಮಾರು ₹10,00,000 ಮೌಲ್ಯ
▪️ ವಶಪಡಿಸಿದ ಒಣ ಮೆಣಸಿನಕಾಯಿ: 420 ಕೆ.ಜಿ (21 ಬ್ಯಾಗ್) – ₹67,000 ಮೌಲ್ಯ
▪️ ಪ್ರಕರಣ ಸಂಖ್ಯೆಗಳು: 120/2026 (ಗೌರಿಬಿದನೂರು ನಗರ); 219/2026 (ಗೌರಿಬಿದನೂರು ಗ್ರಾಮಾಂತರ)
ಗೌರಿಬಿದನೂರು: ಚಿಕ್ಕಬಳ್ಳಾಪುರ ಜಿಲ್ಲೆಯ ಗೌರಿಬಿದನೂರು ನಗರ ಪೊಲೀಸ್ ಠಾಣೆಯ ಸಿಬ್ಬಂದಿಗಳು ದಿನಾಂಕ 16-07-2026 ರಂದು ನಗರದಲ್ಲಿ ಗಸ್ತು ಮಾಡುತ್ತಿದ್ದಾಗ ಗುಂಡಾಪುರ ಕಡೆಯಿಂದ ದ್ವಿಚಕ್ರ ವಾಹನದಲ್ಲಿ ಬರುತ್ತಿದ್ದ ಒಬ್ಬ ಆಸಾಮಿಯು ಅನುಮಾನಾಸ್ಪದವಾಗಿ ವರ್ತಿಸಿದ್ದನ್ನು ಗಮನಿಸಿ, ಅವನನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದರು.
ವಿಚಾರಣೆಯ ವೇಳೆ ಆತನು ಕಳವು ಮಾಡಿದ ದ್ವಿಚಕ್ರ ವಾಹನವೆಂದು ತಿಳಿಸಿದ್ದರಿಂದ, ಆ ದ್ವಿಚಕ್ರ ವಾಹನ ಹಾಗೂ ಆಸಾಮಿಯನ್ನು ವಶಕ್ಕೆ ಪಡೆದು ಗೌರಿಬಿದನೂರು ನಗರ ಪೊಲೀಸ್ ಠಾಣೆಯಲ್ಲಿ ಮೊ.ಸಂ: 120/2026, ಕಲಂ 303(2) BNS ಹಾಗೂ 39, 106 BNSS ರೀತ್ಯಾ ಪ್ರಕರಣವನ್ನು ದಾಖಲಿಸಲಾಯಿತು.
ಶ್ರೀನಿವಾಸರೆಡ್ಡಿ ಸಿ.ಹೆಚ್.ಸಿ 20 ಮತ್ತು ಮಹಾಂತೇಶ ಪರಂಗಿ ಸಿಪಿಸಿ 344 ರವರು ದಿನಾಂಕ 16/07/2026 ರಂದು ನಗರದಲ್ಲಿ ಗಸ್ತು ಮಾಡುತ್ತಿದ್ದಾಗ, ಗುಂಡಾಪುರ ಕಡೆಯಿಂದ ದ್ವಿಚಕ್ರ ವಾಹನದಲ್ಲಿ ಬರುತ್ತಿದ್ದ ಅನುಮಾನಾಸ್ಪದ ಆಸಾಮಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ, ಆತನು ಕಳವು ಮಾಡಿದ ದ್ವಿಚಕ್ರ ವಾಹನ ಎಂದು ತಿಳಿಸಿರುತ್ತಾನೆ.
ಈ ಪ್ರಕರಣದಲ್ಲಿ ಭಾಗಿಯಾದ ಮತ್ತೊಬ್ಬ ಆರೋಪಿಯನ್ನು ಪತ್ತೆ ಮಾಡಿ, ಸುಮಾರು 10 ಲಕ್ಷ ಬೆಲೆ ಬಾಳುವ ವಿವಿಧ ಕಂಪನಿಯ 10 ದ್ವಿಚಕ್ರ ವಾಹನಗಳು ಹಾಗೂ ಗೌರಿಬಿದನೂರು ಗ್ರಾಮಾಂತರ ಠಾಣೆಯ ಮೊ.ಸಂ: 219/2026, ಕಲಂ 305(ಎ), 331(3) BNS ಪ್ರಕರಣದಲ್ಲಿ ಕಳುವಾಗಿದ್ದ 67,000 ಬೆಲೆ ಬಾಳುವ 420 ಕೆ.ಜಿಯ 21 ಬ್ಯಾಗ್ ಒಣ ಮೆಣಸಿನಕಾಯಿ ವಶಪಡಿಸಿಕೊಳ್ಳಲಾಗಿದೆ.
1) ಚೆಲ್ಲ ಸೋಮಶಂಕರ್ @ ಸೋಮಶಂಕರ್ ಬಿನ್ ಚೆಲ್ಲ ಕೊಟೇಶ್ವರ ರಾವ್, 22 ವರ್ಷ, ನಾಯಕರು, ಸ್ಕ್ಯಾನರ್ ಬಾಯ್, ಆಟೋ ನಗರ, ಗುಂಟೂರು ಜಿಲ್ಲೆ, ಆಂಧ್ರಪ್ರದೇಶ
2) ವಿನೋದ್ ಕುಮಾರ್ ಬಿನ್ ರವಿಕುಮಾರ್, 23 ವರ್ಷ, ಆದಿ ದ್ರಾವಿಡ ಜನಾಂಗ, ಗಾರೆ ಕೆಲಸ, ವೇದಲವೇಣಿ ಗ್ರಾಮ, ಕಸಬಾ ಹೋಬಳಿ, ಗೌರಿಬಿದನೂರು ತಾಲ್ಲೂಕು
ಶ್ರೀನಿವಾಸರೆಡ್ಡಿ (ಸಿ.ಹೆಚ್.ಸಿ 20)
ಮಹಾಂತೇಶ ಪರಂಗಿ (ಸಿಪಿಸಿ 344)
ತಿಪ್ಪೇಶ, ಅಶೋಕ, ವಿನಯ್ ಕುಮಾರ್
ತನಿಖಾ ಸಹಾಯಕರಾದ ಸುಬ್ರಮಣಿ, ಅನಿತಾ
ಸದರಿ ದ್ವಿಚಕ್ರ ವಾಹನ ಕಳ್ಳತನ ಪ್ರಕರಣದಲ್ಲಿ ಆರೋಪಿಗಳನ್ನು ಬಂಧಿಸುವಲ್ಲಿ ಚಿಕ್ಕಬಳ್ಳಾಪುರ ಜಿಲ್ಲಾ ಪೊಲೀಸ್ ಅಧೀಕ್ಷಕರಾದ ಶ್ರೀ ಕುಶಲ್ ಚೌಕ್ಸಿ, IPS ರವರ, ಅಪರ ಪೊಲೀಸ್ ಅಧೀಕ್ಷಕರಾದ ಶ್ರೀ ಜಗನ್ನಾಥರೈ ಕೆ.ಎಸ್.ಪಿ.ಎಸ್., ಉಪ ವಿಭಾಗ ಪೊಲೀಸ್ ಉಪಾಧೀಕ್ಷಕರಾದ ಶ್ರೀ ಪ್ರಕಾಶ್ ಆರ್ ಕೆ.ಎಸ್.ಪಿ.ಎಸ್., ಗೌರಿಬಿದನೂರು ವೃತ್ತದ ಸಿಪಿಐ ಅಂಜನ್ ಕುಮಾರ್ ರವರ ಮಾರ್ಗದರ್ಶನದಲ್ಲಿ ಹಾಗೂ ಗೌರಿಬಿದನೂರು ನಗರ ಠಾಣೆಯ ಪಿ.ಎಸ್.ಐ ರವರಾದ ಲಲಿತಮ್ಮ ಹಾಗೂ ವರಲಕ್ಷ್ಮೀ ಅವರ ಸಹಕಾರದೊಂದಿಗೆ ಕಾರ್ಯಾಚರಣೆ ಯಶಸ್ವಿಯಾಗಿದೆ.
"ಸಿಬ್ಬಂದಿಯವರ ಆರೋಪಿಗಳ ಪತ್ತೆ ಕಾರ್ಯವನ್ನು ನಾನು ಮನಃಪೂರ್ವಕವಾಗಿ ಮೆಚ್ಚುಗೆ ವ್ಯಕ್ತಪಡಿಸಿ ಶ್ಲಾಘಿಸುತ್ತೇನೆ. ಗಸ್ತು ವೇಳೆಯಲ್ಲಿ ಅನುಮಾನಾಸ್ಪದ ವ್ಯಕ್ತಿಯನ್ನು ಗುರುತಿಸಿ ಕಳ್ಳತನ ಪ್ರಕರಣವನ್ನು ಬೇಧಿಸಿರುವ ಈ ಕಾರ್ಯವು ಸಮರ್ಪಕ ಪೊಲೀಸ್ ಸೇವೆಗೆ ಉತ್ತಮ ಉದಾಹರಣೆಯಾಗಿದೆ. ಚಿಕ್ಕಬಳ್ಳಾಪುರ ಜಿಲ್ಲಾ ಪೊಲೀಸ್ ಇಲಾಖೆಯು ಅಪರಾಧ ನಿಯಂತ್ರಣದಲ್ಲಿ ನಿರಂತರವಾಗಿ ಕಾರ್ಯನಿರ್ವಹಿಸುತ್ತದೆ."
⚖️ "ಅಪರಾಧಿಗಳಿಗೆ ಯಾವುದೇ ರಿಯಾಯತಿ ಇಲ್ಲ – ಚಿಕ್ಕಬಳ್ಳಾಪುರ ಪೊಲೀಸರ ಕಣ್ಗಾವಲು"
ಈ ಕಾರ್ಯಾಚರಣೆಯು ಚಿಕ್ಕಬಳ್ಳಾಪುರ ಜಿಲ್ಲಾ ಪೊಲೀಸ್ ಇಲಾಖೆಯ ಸಮರ್ಥ ಕಾರ್ಯವೈಖರಿಯನ್ನು ಪ್ರತಿಬಿಂಬಿಸುತ್ತದೆ. ಕಳ್ಳತನ ಪ್ರಕರಣಗಳನ್ನು ಭೇದಿಸಿ ಸಾರ್ವಜನಿಕರ ಆಸ್ತಿಯನ್ನು ರಕ್ಷಿಸುವ ನಿಟ್ಟಿನಲ್ಲಿ ಪೊಲೀಸ್ ಇಲಾಖೆಯ ಪ್ರಯತ್ನ ಮುಂದುವರಿಯುತ್ತದೆ. 💐💐💐
"ಅಪರಾಧಿಗಳಿಗೆ ಯಾವುದೇ ರಿಯಾಯತಿ ಇಲ್ಲ – ಚಿಕ್ಕಬಳ್ಳಾಪುರ ಪೊಲೀಸರ ಕಣ್ಗಾವಲು"
ಕುಶಲ್ ಚೌಕ್ಸಿ, IPS
ಜಿಲ್ಲಾ ಪೊಲೀಸ್ ಅಧೀಕ್ಷಕರು, ಚಿಕ್ಕಬಳ್ಳಾಪುರ
*ಸಾರ್ವಜನಿಕರ ಆಸ್ತಿಯ ರಕ್ಷಣೆಗಾಗಿ ಚಿಕ್ಕಬಳ್ಳಾಪುರ ಪೊಲೀಸ್ ಇಲಾಖೆಯ ಸಮಾಜಮುಖಿ ಕಾರ್ಯಾಚರಣೆ.*
Post a Comment