2,000 ಸದಸ್ಯರ ಟೆಲಿಗ್ರಾಂ ಗ್ರೂಪ್: ಭಯೋತ್ಪಾದನಾ ಯೋಜನೆ ಆರೋಪದಲ್ಲಿ ಇಬ್ಬರ ಬಂಧನ – ಚಿಕ್ಕಬಳ್ಳಾಪುರ ಪೊಲೀಸರ ಕಾರ್ಯಾಚರಣೆ

🏛️ ಕರ್ನಾಟಕ ಸರ್ಕಾರ | ಆಹಾರ ಇಲಾಖೆ

ಕರ್ನಾಟಕ ನ್ಯೂಸ್ 24 ಲೈವ್

ವೇಗವಾದ ಮಾಹಿತಿ | ಜನರ ವಿಶ್ವಾಸ | ಕನ್ನಡದ ನಿಖರ ಸುದ್ದಿ

📅 ಜುಲೈ 22, 2026 | ಬೆಂಗಳೂರು, ಕರ್ನಾಟಕ 🏛️ ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಇಲಾಖೆ

ನ್ಯಾಯಬೆಲೆ ಅಂಗಡಿಗಳಿಗೆ ಹೊಸ ಸಮಯ: ಬೆಳಿಗ್ಗೆ 6 ರಿಂದ ರಾತ್ರಿ 10 ಗಂಟೆವರೆಗೆ ಪಡಿತರ ವಿತರಣೆ ಕಡ್ಡಾಯ – ಇಲಾಖೆ ಆದೇಶ

ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಇಲಾಖೆ ಪ್ರಕಟಿಸಿರುವ ತುರ್ತು ಆದೇಶದ ಪ್ರಕಾರ, ರಾಜ್ಯದ ಎಲ್ಲಾ ನ್ಯಾಯಬೆಲೆ ಅಂಗಡಿಗಳು ಪ್ರತಿದಿನ ಬೆಳಿಗ್ಗೆ 6-00 ಗಂಟೆಯಿಂದ ರಾತ್ರಿ 10-00 ಗಂಟೆಯವರೆಗೆ ತೆರೆದಿರಬೇಕು. ಜುಲೈ 2026 ರ ಮಾಹೆಯ ಅನ್ನಭಾಗ್ಯ ಅಕ್ಕಿ ಮತ್ತು NFSA ಆಹಾರಧಾನ್ಯಗಳನ್ನು ಮಾಹೆಯ ಅಂತ್ಯದೊಳಗೆ ಎಲ್ಲಾ ಫಲಾನುಭವಿಗಳಿಗೆ ವಿತರಿಸಲು ಈ ನಿರ್ಧಾರ.

📖 ಇತರೆ ಮುಖ್ಯ ಸುದ್ದಿಗಳಿಗಾಗಿ ಇಲ್ಲಿ ಓದಿ ➜

📋 ಆದೇಶದ ಪ್ರಮುಖಾಂಶಗಳು:

▪️ ನ್ಯಾಯಬೆಲೆ ಅಂಗಡಿ ಸಮಯ: ಬೆಳಿಗ್ಗೆ 6-00 ರಿಂದ ರಾತ್ರಿ 10-00 ಗಂಟೆವರೆಗೆ
▪️ ವಿತರಿಸಬೇಕಾದ ವಸ್ತುಗಳು: ಅನ್ನಭಾಗ್ಯ ಅಕ್ಕಿ + NFSA ಆಹಾರಧಾನ್ಯ
▪️ ಗಡುವು: ಜುಲೈ 2026 ಮಾಹೆಯ ಅಂತ್ಯ
▪️ ಆದೇಶ ಪತ್ರ ಸಂಖ್ಯೆ: CFS/PD/I/FG/11/2024-25
▪️ ದಿನಾಂಕ: 20-07-2026

ಆಯುಕ್ತರ ಕಛೇರಿ,
ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಇಲಾಖೆ
(ಸಂಗ್ರಹಣೆ ಮತ್ತು ವಿತರಣೆ)
📞 ದೂರವಾಣಿ: 22354857  |  ✉️ E-mail: ddpd.fcs-ka@nic.in
ಪತ್ರ ಸಂಖ್ಯೆ: CFS/PD/I/FG/11/2024-25  |  ದಿನಾಂಕ: 20-07-2026

ಅಪರ ನಿರ್ದೇಶಕರು-1
ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಇಲಾಖೆ, ಬೆಂಗಳೂರು.

ರಾಜ್ಯದ ಎಲ್ಲಾ ಜಂಟಿ/ಉಪ ನಿರ್ದೇಶಕರು,
ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕರ ವ್ಯವಹಾರಗಳ ಇಲಾಖೆ.

ಮಾನ್ಯರೇ,

ವಿಷಯ: ನ್ಯಾಯಬೆಲೆ ಅಂಗಡಿಗಳ ಮುಖಾಂತರ ಪ್ರತಿ ದಿವಸ ಬೆಳಿಗ್ಗೆ 6-00 ಗಂಟೆಯಿಂದ ರಾತ್ರಿ 10-00 ಗಂಟೆಯವರೆಗೆ ಪಡಿತರ ಹಂಚಿಕೆ ಮಾಡುವ ಬಗ್ಗೆ.

ಉಲ್ಲೇಖಗಳು:
1) FCI letter No. RO KA-34.0020.0/12026-SLS-RO-KA, ದಿನಾಂಕ: 15-07-2026.
2) CFS/PD/IFG/11/2024-25, ದಿನಾಂಕ: 16-07-2026.

ವಿಷಯಕ್ಕೆ ಸಂಬಂಧಿಸಿದಂತೆ, ಈಗಾಗಲೇ ಎಲ್ಲಾ ಜಿಲ್ಲೆಗಳಿಗೆ ಜುಲೈ-2026 ರ ಮಾಹೆಯ ಅನ್ನಭಾಗ್ಯ ಅಕ್ಕಿ ಮತ್ತು ರಾಜ್ಯ NFSA ಅಕ್ಕಿ ಹಂಚಿಕೆಯನ್ನು ನೀಡಲಾಗಿದ್ದು, ಉಲ್ಲೇಖ(1)ರಲ್ಲಿ ಭಾರತ ಆಹಾರ ನಿಗಮದಿಂದ ಹಂಚಿಕೆ ಆದೇಶ ಸ್ವೀಕೃತವಾಗಿರುತ್ತದೆ. ಅದರಂತೆ, ಕೂಡಲೇ ಎತ್ತುವಳಿ ಮಾಡಿ ವಿತರಣೆಯನ್ನು ಪ್ರಾರಂಭಿಸುವಂತೆ ಹಾಗೂ ಎತ್ತುವಳಿ ಮತ್ತು ವಿತರಣೆಯಲ್ಲಿ ಅನುಸರಿಸಬೇಕಾದ ಕ್ರಮಗಳ ಕುರಿತು ಉಲ್ಲೇಖ(2)ರ ಪತ್ರದಲ್ಲಿ ಅಗತ್ಯ ಸೂಚನೆ ನೀಡಲಾಗಿರುತ್ತದೆ.

ನ್ಯಾಯಬೆಲೆ ಅಂಗಡಿಗಳಲ್ಲಿ NFSA ಆಹಾರಧಾನ್ಯ ಮತ್ತು ಅನ್ನಭಾಗ್ಯ ಅಕ್ಕಿಯನ್ನು ಫಲಾನುಭವಿಗಳಿಗೆ ಒಟ್ಟಿಗೆ ವಿತರಿಸಬೇಕಾಗಿದ್ದು, ಭಾರತ ಆಹಾರ ನಿಗಮದಿಂದ OMSS (D) ಅಕ್ಕಿ ಎತ್ತುವಳಿ ಪ್ರಗತಿಯಲ್ಲಿರುವುದರಿಂದ, ನ್ಯಾಯಬೆಲೆ ಅಂಗಡಿಗಳಿಗೆ ಅಗತ್ಯ ಪ್ರಮಾಣದ ಆಹಾರಧಾನ್ಯ ಲಭ್ಯವಾಗುತ್ತಿದ್ದಂತೆಯೇ ವಿಳಂಬಕ್ಕೆ ಅವಕಾಶ ನೀಡದಂತೆ ವಿತರಣೆಯನ್ನು ಪ್ರಾರಂಭಿಸಬೇಕಾಗಿರುತ್ತದೆ.

ಆದರೆ, ರಾಜ್ಯದ ಹಲವು ಜಿಲ್ಲೆಗಳಲ್ಲಿ ನ್ಯಾಯಬೆಲೆ ಅಂಗಡಿಯವರು ಎಲ್ಲಾ ವರ್ಗಗಳ ಆಹಾರಧಾನ್ಯಗಳನ್ನು ಸಗಟು ಮಳಿಗೆಗಳಿಂದ ಪೂರ್ಣ ಪ್ರಮಾಣದಲ್ಲಿ ಎತ್ತುವಳಿ ಮಾಡಿಕೊಂಡಿದ್ದರೂ ಸಹ ಪಡಿತರ ವಿತರಣೆಯನ್ನು ತಕ್ಷಣ ಪ್ರಾರಂಭಿಸದೆ ವಿಳಂಬ ಮಾಡುತ್ತಿರುವುದು ಇಲಾಖೆಯ ಗಮನಕ್ಕೆ ಬಂದಿರುತ್ತದೆ. ಈ ರೀತಿಯ ವಿಳಂಬ ನೀತಿಯನ್ನು ಅನುಸರಿಸದೇ ಎಲ್ಲಾ ನ್ಯಾಯಬೆಲೆ ಅಂಗಡಿಯವರು ತಮ್ಮ ದಾಸ್ತಾನು ಲಭ್ಯವಾದ ಕೂಡಲೇ ವಿತರಣೆಯನ್ನು ಕಡ್ಡಾಯವಾಗಿ ಪ್ರಾರಂಭಿಸುವಂತೆ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವಂತೆ ಸೂಚಿಸಿದೆ.

ಮುಂದುವರೆದು, NFSA ಆಹಾರ ಧಾನ್ಯ ಮತ್ತು ಅನ್ನಭಾಗ್ಯ ಅಕ್ಕಿಯನ್ನು ಜುಲೈ 2026 ರ ಮಾಹೆಯ ಅಂತ್ಯದೊಳಗಾಗಿ ಪಡಿತರ ಚೀಟಿದಾರರಿಗೆ ವಿತರಿಸಿ, ವಿತರಣಾ ಪ್ರಕ್ರಿಯೆಯನ್ನು ಮುಕ್ತಾಯಗೊಳಿಸಬೇಕಾಗಿರುವುದರಿಂದ ಎಲ್ಲಾ ನ್ಯಾಯಬೆಲೆ ಅಂಗಡಿಗಳು ಪ್ರತಿ ದಿವಸ ಕಡ್ಡಾಯವಾಗಿ ಬೆಳಿಗ್ಗೆ 6-00 ಗಂಟೆಯಿಂದ ರಾತ್ರಿ 10-00 ಗಂಟೆಯವರೆಗೆ ನ್ಯಾಯಬೆಲೆ ಅಂಗಡಿಯನ್ನು ತೆರೆದಿಟ್ಟು ಪಡಿತರ ವಿತರಣೆ ಮಾಡುವಂತೆ ಸೂಚಿಸಿದೆ.

ಎಲ್ಲಾ ಜಂಟಿ/ಉಪ ನಿರ್ದೇಶಕರು ತಮ್ಮ ವ್ಯಾಪ್ತಿಯ ನ್ಯಾಯಬೆಲೆ ಅಂಗಡಿಗಳು ಮೇಲ್ಕಂಡ ಕಾರ್ಯನಿರ್ವಹಣಾ ಅವಧಿಯನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಕ್ರಮವಹಿಸಿ, ಯಾವುದೇ ದೂರುಗಳಿಗೆ ಆಸ್ಪದ ನೀಡದಂತೆ ಎಲ್ಲಾ ಅರ್ಹ ಪಡಿತರ ಚೀಟಿದಾರರಿಗೆ ಪಡಿತರ ಆಹಾರಧಾನ್ಯವನ್ನು ಸಂಪೂರ್ಣವಾಗಿ ಹಾಗೂ ಕಡ್ಡಾಯವಾಗಿ ವಿತರಿಸುವುದನ್ನು ಖಚಿತಪಡಿಸಿಕೊಳ್ಳುವಂತೆ ಸೂಚಿಸಿದೆ.

ಮೇಲಿನ ಸೂಚನೆಗಳನ್ನು ಎಲ್ಲಾ ನ್ಯಾಯಬೆಲೆ ಅಂಗಡಿಯವರು ಕಟ್ಟುನಿಟ್ಟಾಗಿ ಪಾಲಿಸುವ ನಿಟ್ಟಿನಲ್ಲಿ ಜಂಟಿ/ಉಪ ನಿರ್ದೇಶಕರು ಹಾಗೂ ಆಹಾರ ನಿರೀಕ್ಷಕರು ನಿಯಮಿತವಾಗಿ ಮೇಲ್ವಿಚಾರಣೆ ನಡೆಸಿ, ಉಲ್ಲಂಘನೆ ಕಂಡುಬಂದಲ್ಲಿ ಸಂಬಂಧಪಟ್ಟ ನ್ಯಾಯಬೆಲೆ ಅಂಗಡಿ ವಿತರಕರ ವಿರುದ್ಧ ನಿಯಮಾನುಸಾರ ಕ್ರಮ ಕೈಗೊಳ್ಳುವಂತೆ ಸೂಚಿಸಿದೆ.

📖 ಇತರೆ ಮುಖ್ಯ ಸುದ್ದಿಗಳಿಗಾಗಿ ಇಲ್ಲಿ ಓದಿ ➜

💬 ಸಾಮಾಜಿಕ ಜಾಲತಾಣದಲ್ಲಿ ಜನರ ಪ್ರತಿಕ್ರಿಯೆಗಳು

N N Rao 15 ಗಂಟೆಗಳ ಹಿಂದೆ

"ಯಾವಾಗ ನ್ಯಾಯಬೆಲೆ ಅಂಗಡಿಗೆ ಹೋದರು ಸರ್ವರ್ ಸಮಸ್ಯೆ ಎಂದೇ ಹೇಳುತ್ತಾರೆ. ಇನ್ನೋವ್ರು ಹಗಲು ಪೂರ್ತಿ ನ್ಯಾಯಬೆಲೆ ಅಂಗಡಿ ತೆರೆದರೆ ಏನು ಪ್ರಯೋಜನ?"

Adilbasha 14 ಗಂಟೆಗಳ ಹಿಂದೆ

"ಇದು ಬರೆಯುವುದು ಮತ್ತೆ ಫೇಸ್ಟುಕ್ ಅಲ್ಲಿ ಹತ್ತು ಗಂಟೆಗೆ ನ್ಯಾಯಬೆಲೆ ಅಂಗಡಿ ತೆಗಿಬೇಕಂತ ಇರೋದು ಸುಳ್ಳು ಗಳಲ್ಲಿ 40 ಕೆಜಿ ಅಕ್ಕಿಗೆ 38 ಕೆಜಿ ಕೊಡುತ್ತಾರೆ. ಎಷ್ಟೇ ಕಂಪ್ಲೇಂಟ್ ಮಾಡಿದ್ದು ಫುಡ್ ಆಫೀಸರ್ ಮಾಡಿದ ಏಕೆಂದರೆ ಇದರಲ್ಲಿ ಮಾಡ್ತಾರೆ."

Ramesh M K Magadi 1 ನಿಮಿಷದ ಹಿಂದೆ

"ಸರ್ ಫೋನಲ್ಲಿ ಮಾತ್ರ ಓದಕ್ಕೆ ಚೆನ್ನಾಗಿರುತ್ತೆ. ಯಾರು ಈ ರೂಲ್ಸ್ ನ ಫಾಲೋ ಮಾಡೋದಿಲ್ಲ. ಸರ್ಕಾರ ಇದರ ಬಗ್ಗೆ ಗಮನ ಹರಿಸಬೇಕಾಗಿದೆ."

⚠️ ಸಾರ್ವಜನಿಕರ ಗಮನಕ್ಕೆ: ಪಡಿತರ ವಿತರಣೆಯಲ್ಲಿ ಯಾವುದೇ ಅವ್ಯವಹಾರ ಅಥವಾ ತೊಂದರೆ ಕಂಡುಬಂದಲ್ಲಿ ತಕ್ಷಣ ಇಲಾಖೆಗೆ ದೂರು ನೀಡಲು ಮನವಿ.

📞 ಸಂಪರ್ಕ ಮಾಹಿತಿ:
📧 ಇಮೇಲ್: ddpd.fcs-ka@nic.in
📞 ದೂರವಾಣಿ: 22354857
🏢 ಆಯುಕ್ತರ ಕಛೇರಿ, ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಇಲಾಖೆ, ಬೆಂಗಳೂರು.

"ಸಕಾಲಿಕ ಪಡಿತರ ವಿತರಣೆ – ನಿಮ್ಮ ಹಕ್ಕು, ನಮ್ಮ ಜವಾಬ್ದಾರಿ"

ಆಹಾರ, ನಾಗರಿಕ ಸರಬರಾಜು ಮತ್ತು ಗ್ರಾಹಕ ವ್ಯವಹಾರಗಳ ಇಲಾಖೆ, ಕರ್ನಾಟಕ ಸರ್ಕಾರ

📖 ಇತರೆ ಮುಖ್ಯ ಸುದ್ದಿಗಳಿಗಾಗಿ ಇಲ್ಲಿ ಓದಿ ➜

*ಆಹಾರ ಇಲಾಖೆಯ ಅಧಿಕೃತ ಆದೇಶ ಸಂಖ್ಯೆ: CFS/PD/I/FG/11/2024-25, ದಿನಾಂಕ: 20-07-2026*

📢 ಕರ್ನಾಟಕ ನ್ಯೂಸ್ 24 ಲೈವ್ – ಕನ್ನಡದ ನಿಖರ ಸುದ್ದಿ

ವೇಗವಾದ ಮಾಹಿತಿ | ಜನರ ವಿಶ್ವಾಸ | ಸತ್ಯ ನಿಷ್ಠ ಪತ್ರಿಕೋದ್ಯಮ

📧 ಸುದ್ದಿ / ಪ್ರತಿಕ್ರಿಯೆ: karnatakanews24live@gmail.com

© 2026 ಕರ್ನಾಟಕ ನ್ಯೂಸ್ 24 ಲೈವ್ | ನ್ಯಾಯಬೆಲೆ ಅಂಗಡಿ ಸಮಯ #karnatakanews24live